كََّلْتةْ زَمُّورْ

كََّلْتةْ زَمُّورْ أَوْضَحْ تَعْبـِـيرْ **** عَنْ مَا مَوْجُودْ اسْتِقْرارْ

فالْمَنْطقَـة كََّبْـلْ التَّحْرِيـرْ **** الْكَاملْ وَاحْتِرامْ الجـارْ

رَغمْ الظُّرُوفْ ورَغْمْ المَكَانْ **** فالكََّلْتَة والمتْوَاجدْ كَـانْ

فِيهَا منْ حُشُودْ العــدْوانْ **** والتَّحْصِينَاتْ والاسْتِقْرارْ

والسِّلاَحْ عْلَى كـلْ أَلْـوانْ **** بَرْ و جَوْ ولَغْـمْ و رَدَارْ

والحَفْرْ ولَسْلاكْ وغِيـرَانْ **** مَحْفُـوفَة بآلاَتْ الدَّمَـارْ

مْلاَنْ الخَنْدَقْ كِيفْ مْـلاَنْ **** الْحَاجزْ والرَّكّْ ولحْجَـارْ

منْ جَيْشْ أُضَايقْ فالْمَيْدانْ **** و وَّخَّظْ تَجَاربْ فالْحِصَارْ

يحْمِيـهْ البَـرْ وطَيَـرَانْ **** سِـلاَحْ الْقِتـَالْ ولِنْـذَارْ

هَذَا حِينْ أَتَاوهْ شَجْعـانْ **** وَحَدَاتْ الْجَيْشْ الْمغْـوارْ

عَنْدْ اجْبَاوْ كّْدَاتْ النِّيرانْ **** فالْكََّلْتَة وادْركّْ عن لَبْصَارْ