يَأهْلْ الصَّحْرا يَاللِّي محْتاجْ

يَأهْلْ الصَّحْرا يَاللِّي محْتاجْ **** لْشَـوْفتْهـا ردْ اللَّفْتـَة

وانْسبْ رَاسَكْ نَسْبْ أَرَكََّاجْ **** أتْصيبْ أخْلاَكََّكْ حتى انْتَ

والرَّحْمة طاحتْ واحْتِجاجْ **** ودْيَانْ الْمَنْحَـرْ والْكََّلْتـة

والغزْلانْ فْلحْدَبْ تتْمَـاجْ **** كـلْ بْلَيْـدَة فِيهـا ستَّـة

والْبَرْدْ عْلِيهمْ و أَلَجْـلاَجْ **** منْ لَوْقَاتْ ألِّي منْصمْتَـة

منْ لَرْياحْ وخَلْقْ أَرَكََّـاجْ **** والحَيَّـة مَـاهِ منْكـفْتَـة

وإِكََّلْفَانْ ومرْحانْ انْعـاجْ **** اللِّي صَيَّفْ والِّـي شَـتَّ

والبَنْيَاتْ و كََّلّتْ لعْجـاجْ **** رَبِّ رُوحِـي لاَعَـذَّبْـتَ

مَشِي صَيْدحْ يشْفِ وَرَاجْ **** منْ لَمْراضْ اللِّي رَسَلْتَ

وَقْتُو بَاركْ ماهو فَـزَّازْ **** إِبَرْبَـرْ وِيفَـوَّتْ سَكْتَـة

ووَّقْتـُو كََّـايـمْ ماهُو **** مَجْماجْ أمْصَغَّرْ ماكََّطْ تْمَكْتَ