واحْذرْ مكر الظَّبْ    واعْلى كَّّوْمَكْ لاتسَّبَّبْ

مانكّـْدرْ يَكُـونْ نْوَصِّيـكْ **** واسْمَعْ لُوصَايَة يامْحَمَّدْ

لا تسْتَهْوَنْ شِي شَيْنْ عْليكْ **** وفْطَنْ لَخْبَـارْ الاَّ ترْتَـدْ

ولاَ تَرْضَى يامْحَمَّـدْ مَقَـامْ **** اصْغِيرْ ولاَتَجْهَلْ لَحْكـامْ

أَكّْرا لَحْكَامْ عْـلى تسْكََّـامْ **** ويلاَ عدتْ مْجَمَّعْ فبْلَـدْ

لا تغْتـابْ وكََّـلَّلْ لكْــلامْ **** واحْذرْ لا تكّْعدْ فوُجهْ حَدْ

وِيلا عدتْ أبْجاهَكْ هَنِّيـهْ **** أَنْعَتْ كََّاعْ أنَّكْ ما تبْغِيـهْ

وِيلاَ عدتْ أبْعلْمَكْ واسِيه **** يا مْحَمَّدْ للْواحدْ لَحَدْ

أمْنَيْنْ أتْواسيهْ أَلْخاطيهْ **** امْرَكّّتْ أخْبارَكْ يا مْحَمَّدْ

لا تتْواضعْ لَهلْ التّطْراكّّ **** فالْمالْ اتْواضعْ للْخَلاَّكّّْ

اكْبرْتْ أنتَ مانَكْ مشْتاكّْ **** الْحَمْـدُ للّـَهْ اتْفَكَّّــدْ

اعْطِ واخْلاَكَّّكْ لاتظْياكّّْ **** و اكّّْعدْ فمْنَيْنْ أَسْوَ تكّّْعدْ

واحْذرْ مكر الظَّبْ **** واعْلى كَّّوْمَكْ لاتسَّبَّبْ

والْمسَّبَّبْ ما يُطَبَّبْ **** و فْتسْبابُو كاملْ مقْصَدْ

ويعُودْ اعْلى راسُو زَرَّبْ **** ملاهي يَفْتَحْ عنُّو حَدْ

مانكّّْدرْ يَكونْ  انْوَصِّيكْ **** واسْمَعْ لُوصَاية يامْحَمَّدْ

لا تسْتَهْوَنْ شِي شَيْنْ اعْليكْ **** وافْطَنْ لَخْبارْ ألاَّ ترْتَدْ

وسرَّكْ يامْحَمَّدْ لا تعْطيهْ **** للِّي ما هو مفْلوشْ اعْليهْ

والِّي منْ حَدْ ابْغَاكْ ابْغيهْ **** يَسْوى كَّّرَّبْ وَسْوى بَعَّدْ

وصَرْعْ العارْ الْغيهْ اتْفُو بيهْ **** الْعارْ اخْبارُو ماتشْتَدْ

وجَمْعْ امْجَمَّعْ كَّبْلَكْ جَوْليهْ **** يَرْجَعْ يخْتَيْرَكْ تتَحَيَّدْ

كُونْ الى عدتْ امْنَيْنْ اتْجيهْ **** ايعُودْ مْنْ اخْيامْ أهْلْ أَحْمَدْ

جَهْلْ اللُّغة يامْحَمَّدْ شَيْنْ **** وجَهْلْ النَّحُو ألاَّ ما هو زَيْنْ

أكّّْرا لَحْكامْ و فَرْظْ الْعَيْن **** والِّي يامْحَمّدْ ما هو حَدْ

ذَاكْ ايعُودْ ابْلاَ دينْ **** واحْذرْ لاتَطْرَحْ يامْحَمَّدْ

عنْ ذا كاملْ ما هو هيِّنْ **** هذَا هيِّنْ لا َرَا  حَدْ